Palestinanyň Žurnalistler arkalaşygy (PJS) Ysraýylyň 2025-nji ýylda 42 palestinaly žurnalisti tussag edendigini, olaryň sekizsiniň zenandygyny we palestinaly žurnalistleri yzygiderli nyşana almagyny dowam etdirýändigini aýan etdi.
PJS hasabatynda: "Birleşigiň Azatlyklar komitetiniň resminamalaryna we gözegçilik netijelerine görä, 2025-nji ýylda aralarynda erkekler we zenanlar bolan jemi 42 palestinaly žurnalist tussag edildi. Bu tussag etmeler basyp alyşlyk astyndaky Günbatar Şeriýada, Iýerusalimde we beýleki basylyp alnan territoriýalarda, şeýle hem harby gözegçilik nokatlarynda we geçelgelerde, meýdan işleri wagtynda we öý reýdleri wagtynda geçirildi" diýip habar berildi.
Hasabatda tussaglyk işleriniň 2023 we 2024-nji ýyllar bilen deňeşdirilende azalmagynyň Ysraýylyň ünsüniň "mukdar taýdan nyşana almakdan hil taýdan nyşana almaga" geçendigini görkezýändigi aýdylýar.
Hasabata görä, bu üýtgeşme iň täsirli žurnalistlere üns berilmegi, şol bir žurnalistiň yzygiderli tussag edilmegi, aýyplamalar ýa-da kazyýetiň öňne çykarylmazdan administratiw tussaglygyň giňeldilmegi we eýmendirme çäresi hökmünde fiziki we psihologik zorlugyň ulanylmagy bilen häsiýetlendirilýär.
PJS mundan başgada, komitetiň žurnalistleriň harby reýdler we göçüp gelenleriň hüjümleri barada habar berýän wagtynda tussag edilen ýagdaýlarynyň hasaba alnandygyny belläp, hasabatda: "Bu tussag edilmeleriň şaýatlary ortadan aýyrmak we hakykatyň ýüze çykmagynyň öňüni almak üçin gyssagly gurala öwrülendigini tassyklaýar" diýip belledi.
