Russiýa we Ukraina penşenbe güni geçen aýdan bäri iki ýurduň arasynda bolan şuňa meňzeş alyş-çalşygyň iň soňkusynda ýene-de ölen esgerleriň jesetlerini biri-birine gaýtaryp berdiler.
Russiýanyň Döwlet Dumasynyň deputaty Şamsail Saraliýew RBK habarlar agentligine Moskwanyň 261 ukrain esgeriniň jesedini gaýtaryp berendigini, Kiýewiň bolsa 24 rus esgeriniň jesedini gaýtaryp berendigini aýtdy.
Ukrainanyň Harby ýesirleriň işleri boýunça utgaşdyryjy merkezi birnäçe wagt soň bu alyş-çalyşy tassyklady we Telegramdaky ýazgyda "rus tarapynyň aýtmagyna görä, ukrain esgerlerine degişli" 261 jesediň ýurda gaýtarylyp berlendigini aýtdy.
Beýanatda şeýle hem: "Halkara Gyzyl Haç komitetine, alyş-çalyş amallaryny ýeňilleşdirmek we goldamak ugrundaky goşan goşandy üçin tüýs ýürekden minnetdarlygymyzy bildirýäris" diýip bellendi.
Russiýa bilen Ukrainanyň arasynda iň soňky gepleşik 16-njy iýulda bolup geçdi, şonda Moskwa Ukraina 501 jesedi gaýtaryp berdi, Kiýew bolsa Orsýete 31 jesedi gaýtaryp beripdi.
