Russiýa, Ukrainanyň gündogarynda Donesk sebitinde ýerleşýän Pokrowsk şäherinde öňe barýandygyny mälim etdi.
Pokrowks şäheri 1 ýyldan gowrak wagt bäri güýçli çaknyşyklara sahna bolýar.
Russiýanyň Goranmak ministrligi tarapyndan duşenbe güni berlen beýannamada, rus güýçleriniň şäheriň Prigorodni etrapçasyna girendigi nygtaldy.
Beýannamada çaknyşyklaryň şäheriň demirýol bekediniň we senagat zolagynyň golaýynda dowam edýändigi nygtaldy.
Ukrainanyň Prezidenti Zelenskiý geçen hepde beren beýannamasynda, front liniýasyndaky şäherde ýagdaýyň gözegçilik astyna alynandygy we şäherin gabaw astyndadygy hakyndaky garaýyşlary ret edipdi.
Pokrowks Ukrainanyň Donesk sebitindäki harby operasiýalary üçin logistiki merkez hökmünde kabul edilýär.
Ukrainaly resmiler Russiýanyň soňky garaýyşlary hakynda hiç hili beýannama bermedi.
Hünärmenler 2022-nji ýylyň fewral aýynda Russiýanyň basyp alyşlygy biln başlan çaknyşyklar sebäpli sebitden garaşsyz maglumatyň alynmagynyň gaty kyndygyny nygtaýar.
Russiýanyň Goranmak ministrligi, düýn gije Ukrainanyň harby senagat desgalaryny, energetika infrastrukturasyny we harby enjamlaryň abatlanýan ýerlerini nyşana alandyklaryny öňe sürdi.
Ukraina rus howa hüjümleriniň dowam edýändigini mälim etdi
Beýleki tarapdan Ukrainaly resmiler, ýurduň demirgazyk gündogarynda Sumy sebitinde ýerleşýän birnäçe etrapça howa hüjüminiň guralandygyny mälim etdi.
Uzakly gije dowam eden hüjümler sebäpli Sumy sebitinde ýerleşýän12 etrapçanyň elektrik togynyň kesilendigi bellenildi.
Russiýa bilen Ukraina soňky aýlarda biri-biriniň energetika infrstrukturasyny nyşana almaga dowam edýär.
Ukrainanyň Baş ştaby ozal beren beýannamasynda Saratow şäherinde nebiti gaýtadan işleýän desga hüjüm guralandygyny mälim edipdi.
Şäheriň gubernatory Roman Busargin sebitde uçarmansyz howa ulaglary arkaly guralýan hüjümler meselesinde duýduruş beripdi.
Russiýanyň Goranmak ministrligi bolsa howa goranyş ulgamlarynyň Ukraina degişli 64 drony hatardan çykarandygyny mälim etdi.
Dronlardan 29-nyň Saratow şäherinde hatardan çykarlandygy bellenildi.
