Hytaýyň döwlet metbugatynyň habaryna görä, Hytaýyň Döwlet baştutany Si Szinpin Pekinde Russiýanyň daşary işler ministri Sergeý Lawrow bilen duşuşdy.

Lawrow ikitaraplaýyn gatnaşyklary berkitmek we Ýakyn Gündogardaky we Ukrainadaky konfliktleri ara alyp maslahatlaşmak üçin Hytaýa iki günlük sapar guraýar.

Şu hepde Pekin Eýrana garşy alnyp barylýan uruşda ykdysady taýdan zyýan çeken köp sanly ýurtlaryň liderlerini kabul etdi. Olaryň arasynda Ispaniýanyň Premýer-ministri Pedro Sançes, Abu-Dabiniň mirasdüşer şazadasy Muhammed bin Zaýed Al-Nahýan we Wýetnamyň lideri To Lam bar.

Döwlet telewideniýesi CCTV-niň maglumatyna görä, Lawrow Hytaýyň daşary işler ministri Wan I bilen geçiren duşuşygynda Russiýa we Hytaýy "gurşap almak" üçin edilýän tagallalary tankyt edeninden bir gün soň, Pekiniň Halk Mejlisiniň Beýik zalynda Si bilen duşuşdy.

Russiýanyň döwlet habarlar agentligi RIA Nowosti-niň habaryna görä, Lawrow, ABŞ-ny we onuň ýaranlaryny göz öňünde tutup: "Olar Hytaý Halk Respublikasyny we Russiýa Federasiýasyny gurşap almaga gönükdirilen kiçi göwrümli, blok esasly gurluşlary döretmek arkaly (sebitleýin hyzmatdaşlygy) ýok etmäge synanyşýar" diýdi.