Daşary işler ministri Hakan Fidan, Ankarada ÝB-niň Giňelmekden jogapkär ýokary wekili Marta Kos bilen duşuşdy.
Fidan bilen Kos duşuşykda özara hyzmatdaşlygyň pugtalandyrylmagynyň ähmiýetine ünsi çekdi.
Duşuşyk hakynda berlen ýazmaça beýannamada, Fidan bilen Kosyň Türkiýäniň ÝB-ne agzalyk etabyna, sebitara durnuklylyga we ykdysady hyzmatdaşlygyna ünsi çekendigi bellenildi.
Fidan bilen Kos Türkiýe bilen ÝB-niň arasyndaky gatnaşyklaryň strategik ähmiýetini nygtady.
Daşary işler ministri Hakan Fidan özara gatnaşyklaryň öňündäki bökdençlikleriň gysga wagtda ortadan aýrylmalydygyny nygtady we giň gerimli hyzmatdaşlyk çagyryşyny berdi.
Fidan bilen Kos soňky döwürde iki tarapyň arasyndaky gatnaşyklarda edilen öňe gidişlige kanagatlanma bildirdi.
Gümrük bileleşigi, hukugyň üstünligi we sebitara meseleler
Iki tarap soňky global meseleleriň we sebitleýin wakalaryň Türkiýe-ÝB hyzmatdaşlygynyň strategik ähmiýetini açyk aýdyň görkezendigine ünsi çekdi.
Taraplar Gara deňizde, Günorta Kawkazda we Orta Aziýada energetika, aragatnaşyk, söwda we howpsuzlyk taýdan ýakyndan işleşmegiň möhümdigini nygtady.
Hakan Fidan global söwdada başdan geçirlen soňky wakalar, geosyýasy näbellikler we üpjünçilik zynjyryndaky kynçylyklar sebäpli Gümrük bileleşigi şertnamasynyň gysga wagtda gözden geçirilmeginiň möhümdigini belledi.
Taraplar ykdysady çydamlylyga we bäsleşik güýjüne goldaw bermek we Gümrük bileleşiginiň doly mümkinçilikleriniň açylmagy üçin hyzmatdaşlygy dowam etdirmek boýunça ylalaşyk gazandy.
Beýannamada taraplaryň Ýewropa Maýa goýum bankynyň tapgyrlaýyn ýagdaýda Türkiýede öz işini dowam etdirmegine kanagatlanma bildirdi.
ÝB-niň Giňelmekden jogapkär ýokary wekili Marta Kos hukugyň üstünligi we demokratik standartlar boýunça geçirlen gepleşikleriň Türkiýe-ÝB gatnaşyklarynyň özenini emele getirmäge dowam edýändigini ýatlatdy.
Kos, ÝB-niň 2023-nji bolan ýer titremesiniň 3-nji ýylynda gaýtadan dikeldiş etabynda Türkiýä 1,2 milliard dollarlyk kömek bermek bilen Türkiýe bilen arkalaşykly hereket edýändigini görkezendigini belledi.
Daşary işler ministri Hakan Fidan bolsa Ýewropanyň howpsuzlygy, durnuklylygy we abadançylygy üçin Türkiýe-ÝB jebisliginiň ähmiýetini nygtady.
