Wengriýanyň Premýer-ministri Wiktor Orban şu gün Moskwada Russiýanyň Prezidenti Wladimir Putin bilen duşuşar

Duşuşykda Wengriýanyň çig nebit we gaz üpjünçiligi bilen birlikde Russiýa-Ukraina söweşiniň parahatçylykly ýagdaýda bes edilmegi üçin edilýän tagallalar gün tertibine getirler.

Kreml Wengriýanyň Premýer-ministri Orbanyň anna güni Moskwada saparda boljakdygyny tassyklady.

Orban goňşu ýurt Ukrainadaky söweşe garamazdan Moskwa bilen edýän ýakyn gatnaşyklaryny dowam etdirýär. Wengriýanyň ÝB-niň rus energiýasyna bolan garaşlylygyň azaldylmagy üçin edýän tagallasyna garamazdan energetika pudagy boýunça Russiýa garaşly bolmaga dowam edýär.

Orban Fajebook arkaly beren habarnamasynda “Men Wengriýanyň energiýa üpjünçiligi üçin Moskwa gidýärin” diýdi.

Russiýa-Ukraina söweşiniň parahatçylykly ýagdaýda bes edilmegi üçin edilýän tagallalaryň saparyň gün tertibine getirlip getirilmejekdigi hakyndaky soraga Orban “Mundan gaçyp gutulyp bilmeris” jogap berdi.

Waşington rus nebit-gazynyň ulanylmaga dowam edilmegi üçin şert döretdi

ABŞ, Wengriýanyň Premýer-ministri Wiktor Orbanyň Waşingtonda Prezident Donald Tramp bilen geçiren içgin duşuşygynda ýurdy üçin ýeňillik talap etmeginden soň bu aý Wengriýa rus nebit-gazynyň ulanylmagyna rugsat berdi.

Wengriýa mundan başgada ABŞ bilen ýadro energetika pudagy boýunça hyzmatdaşlyk teswirnamasyny baglaşdy.