ABŞ Ysraýyla 6,67 milliard dollarlyk ýarag satar
ABŞ-nyň Döwlet sekretarlygy 30 Apaçi hüjüm dikuçary bilen birlikde 3 müňden gowrak taktiki ulagyň Ysraýyla satylmagyny tassyklady.
Trampyň adminstrasiýasy Apaçy hüjüm dikuçarlary we ýeňil taktiki ulaglar bilen birlikde Ysraýyla jemi gymmaty 6,67 milliard dollarlyk ýaragyň satylmagyny tassyklady.
ABŞ-nyň Döwlet sekretarlygy anna güni ýary gije beren beýannamasydna ýarag bukjasynyň 4 aýry satuwdan ybaratdygyny mälim etdi.
Ýakyn Gündogarda ABŞ-nyň Eýrana hüjüm guramak ähtimallygynyň dowam edýän günlerinde Ysraýyla täze ýaragyň satylmagy baradaky karar ünsleri özüne çekdi.
Ýarag bukjasynyň esasy bölegini 30 sany Apaçy hüjüm dikuçary emele getirýär. Hüjüm dikuçarlarynyn jemi gymmatynyň 3,8 milliard dollara barabar bolandygy nygtaldy.
ABŞ-nyň Döwlet sekretarlygy ýarag satuwynyň Ysraýylyň özüni goramak ukubyna goldaw bermegi maksat edinýändigi ýatladyldy.