Daşary işler ministri Hakan Fidan kärdeşleri bilen duşuşyk geçirdi
Daşary işler ministri Hakan Fidan Antalýa Diplomatiýa forumynyň çäginde müsürli, pakistanly we saud arabystanly kärdeşi bilen duşuşdy.
Türkiýe Respublikasynyň Daşary işler ministri Hakan Fidan, Müsüriň, Pakistanyň we Saud Arabystanynyň Daşary işler ministriniň gatnaşmagynda geçirlen üçtaraplaýyn maslahata ýer eýeçiligini etdi.
Dünýä ýurtlarynyň liderleri we halkara guramalaryň wekilleri Antalýa Diplomatiýa forumynyň çäginde Türkiýede bir ýere jemlenişdi.
Forum Prezident R. T. Erdoganyň goldaw bermeginde we Daşary işler ministrliginiň ýer eýeçiliginde “Geljegi kesgitlemek we näbellige garşy göreşmek” temasy bilen geçirilýär.
Hakan Fidan üçtaraplaýyn maslahatyň öňüsyrasynda eden çykyşynda, sebitde dartgynlygyň ortadan aýrylmagynyň ähmiýetine ünsi çekdi we ylalaşygyň yzygiderli parahatçylyga öwrülmegini umyd edýändigini belledi.
ABŞ bilen Eýranyň arasynda 8-nji aprelde gazanylan 14 günlük ylalaşyk we Yslamatda geçirlen parahatçylyk gepleşikleriniň birinji tapgyry hakynda durup geçen Hakan Fidan, Pakistanyň Waşington-Tähran gepleşikleriniň gaýtadan başlamagy üçin tagalla edýändigine ünsi çekdi.
Dünýä ýurtlarynyň biri-biri bilen arabaglanşykly uly howplara sezewar bolandygyny ýatladan Fidan “Näbellilik we krizis indi döwrümiziň esasy özboluşlylygy ýagdaýa geldi” diýdi.
Daşary işler ministri Hakan Fidan, Eýrandaky urşuň we onuň dünýä ýurtlaryna ýetirýän täsirleriniň Antalýa Diplomatiýa forumynyň gün tertibinde esasy orun eýeleýändigine ünsi çekdi.
Tramp ABŞ bilen Eýranyň arasynda ýakynda ylalalşyk gazanylyp bilinjekdigini aýdýar
AFP habarlar gullugyna beýannama beren pakistanly resmi, gepleşikleriň anna güni agşamara geçirlendigini mälim etdi.
Geçen hepdäniň ahyrynda Eýran bilen ABŞ-nyň arasynda geçirlen we netijesiz tamamlanan gepleşiklere ýer eýeçiligini eden Pakistan, sebitara dartgynlygyň ortadan aýrylmagy üçin tagalla edýär.
Ak Tam Eýran bilen Yslamabatda gepleşik geçirlip bilinjekdigini mälim etdi. Gepleşikleriň birinji tapgyrynda ABŞ-nyň wekiliýetine Wise-prezidenti Wens ýolbaşçylyk edipdi.
ABŞ-nyň Prezidenti Donald Tramp, AFP habarlar gullugyna beren beýannamasynda Eýran bilen ýakynda ylalaşyk gazanylyp bilinjekdigini mälim etdi.