Nepalyň resmileri düýnki sil apatlaryndan soň emele gelen suw howdanynyň hanasyndan çykan bolmagynyň mümkindigi barada Hytaýdan duýduryş alandyklaryny habar berdiler.

Polisiýa tarapyndan berlen beýanatda gözleg, halas ediş we kömek işlerine gatnaşýan ähli howpsuzlyk işgärleriniň, halas ediş işgärleriniň we ýerli ýaşaýjylaryň hüşgär bolmagy we dessine howpsuz ýerlere çekilmekleri talap edildi.

Resmiler bu beýanatyň heniz tassyklanmandygyny mälim etdiler we raýatlary "seresap bolmaga" çagyrdylar.

“Katmandu Post” gazetiniň habaryna görä, sil heläkçiliklerinde ýogalanlaryň sany 469 adama ýetdi.

Nepalyň resmileri sil sebäpli onlarça köpriniň weýran bolandygyny we ýollara zeper ýetendigini, şeýle hem gözleg-halas ediş işleri üçin dikuçarlaryň gönükdirilendigini habar berdiler.

Resmiler daşary ýurtlylar bilen birlikde 1300-den gowrak adamyň dereksiz ýitendigini aýan edipdiler.

Hytaýyň Tibet awtonomiýasynda Nepalda bolan sil suwlary sebäpli üç adamyň ýogalandygy we 558 adamyň dereksiz ýitendigi habar berildi.

Hünärmenler buzluklaryň çökmegine ünsi çekýärler

Sil apatyndan öň sebitde ýer titremesiniň bolandygyny aýdan ABŞ-nyň Geologiýa gözegçiligi merkezi, maglumatlaryny täzeledi we 5,2 bal ululygyndaky seýsmiki işjeňligiň çeşmesiniň buzlaryň çökmeginiň bolandygyny aýtdy.