“Times of Ysraeliň” habar bermegine görä müňlerçe ysraýylly şenbe güni Portugaliýanyň Tel-Awiwdäki İlçihanasynyň öňünde uzyn nobata durup, raýatlyk üçin ýüz tutdy.

İlçihana ýokar  gyzyklanma sebäpli onlaýn ýüztutma ulgamyndaky işleri ýeňilleşdirmek üçin ýörite “ozalky milli ýüztutma gününi” gurady. Şol güne gatnaşanlar raýatlyk üçin ýüz tutýarlar ýa-da portugal posportuny çalyşýarlar. Nobat Ilçihananyň öňündäki ýerasty awtoduralga çenli baryp ýetdi.

Ysraýyllylar näme üçin Portugaliýanyň raýatlygyna geçmek isleýärler?

Portugaliýa 2015-nji ýylda kabul edilen kanun bilen 16-njy asyrdaky engizasiýada ejir çeken Safarad ýewreýlerine raýatlyk üçin ýüztutma hukugyny beripdi. Emma ýüztutmanyň ýokary bolmagy sebäpli Portugaliýanyň hökümeti 2023-nji ýylda kanunyň maksadyna ýetendigini beýan edip, has berk şertleri girizdi.

Ysraýyllylar Portugaliýanyn raýatlygy saýasynda ÝB-ne agza ýurtlara erkin syýahat etmek, durmuş şertleriniň ýeňilleşmegi, Ýewropanyň ýokary okuw jaýlarynda ýeňil şertlerde okamak we pes töleg mümkinçilikleri ýaly ýeňilliklere eýe bolýarlar.

Esasanda 2023-nji ýylyň oktýabrynda Ysraýylyň Gaza garşy urşundan soň ikinji pasport talaby ýokarlady. Onlarça müň ysraýylly ýurdy terk eden bolsa, Portugaliýanyň raýatlygyna bolan gyzyklanma günsaýyn artýar.