Yragyň Daşary işler ministri Fuad Hüseýin, ABŞ bilen Ysraýylyň Eýrana guran hüjümleri bilen başlan söweş sebäpli ýurdunuň 60 milliard dollara golaý zyýan çekendigini aýtdy.
Yragyň INA habarlar gullugyna görä, Daşary işler ministri Fuad Hüseýin, Italiýanyň Daşary işler ministri Antonio Tažani bilen paýtagt Rimde metbugata beýannama berdi.
Ministr Hüseýin ABŞ/Ysraýyl-Eýran söweşiniň ýurdunyň ykdysadyýetine uly zeper ýetirýändigini belledi.
Fuad Hüseýin ady agzalýan söweş sebäpli ýurdunuň 60 milliard dollara golaý zyýan çekendigini ýatlatdy.
28-nji fewraldan bäri dowam edýän söweşiň, halkara energetika krizisiniň çuňlaşmagyna we infilýasiýanyň ýokarlamagyna sebäp bolandygyny nygtan Huseýin, söweşiň Ýewropa ýurtlary bilen birlikde birnäçe ýurduň ykdysadyýetine oňaýsyz täsirini ýetirýändigine ünsi çekdi.
Yragyň Daşary işler ministri Hüseýin dartgynlygyň gözegçilik astyna alynmagy we çaknyşyklaryň möwjemeginiň öňüniň alynmagy üçin diplomatik tagallalaryň ähmiýetine aýratyn ünsi çekdi.
Ministr Hüseýin Ýewropa ýurtlarynyň çaknyşýan taraplaryň arasynda ylalaşyk gazanylmagy üçin uly jogapkärçiligi öz üstüne almalydygyny belledi.
Fuad Hüseýin Ormuz bogazynyň ýapylmagy sebäpli Yragyň nebit pudagyndan alýan girdejisiniň aşaklandygy sebäpli ýurdunyň ykdysady taýdan uly kynçylygy başdan geçirýändigini aýdypdy.
