Russiýa Federasiýasynyň Tatarystan Respublikasynda uçarmansyz howa ulaglary bilen guralan hüjümlerde raýat we senagat desgalaryna zeper ýetendigi, iki adamyň ölendigi we on iki adamyň ýaralanandygy habar berildi.
Tatarystan Respublikasynyň Prezident dolanşygy ukrain goşunynyň Nižnekamsk şäherine uçarmansyz howa ulaglary arkaly hüjümler gurandygy mälim etdi.
Beýanatda: "Hüjümleriň netijesinde raýat we senagat desgalaryna zeper ýetdi. Kärhanalaryň birinde ýangyn boldy. Önümçilik togtadylmady. Hüjümde 2 adam öldi we 12 adam ýaralandy" diýip aýan edildi.
Russiýanyň Goranmak ministrligi gijäniň dowamynda dürli sebitlerde 389 sany ukrain uçarmansyz howa ulagynyň täsirsiz ýagdaýa getirilendigini habar berdi.
