Stambul şäheri Pakistan bilen Owganystanyň arasynda geçirilýän ikinji tapgyr gepleşiklerine ýer eýeçiligini eder.
Pakistanyň Daşary işler ministrligi bilen owgan ýolbaşçylar, gepleşikleriň ikinji tapgyrynyň şenbe güni geçiriljekdigini mälim etdi.
Pakistanyň Daşary işler ministrliginiň metbugat sekretary Tahir Hüseýin Andrabi, paýtagt Yslamabatda beren beýannamasynda, gepleşikleriň terroryň öňüniň alynmagyny maksat edinýändigini aýan etdi.
Andrabi “Pakistan bilen Owganystanyň arasynda 2025-nji ýylyň 19-njy oktýabrynda Kataryň Doha şäherinde gazanylan ylalaşygy sebitara durnuklylygyň we parahatçylygyň ýola goýulmagy üçin ädilen aýgytly ädim hökmünde görýäris” diýdi.
Pakistanyň Daşary işler ministrliginiň metbugat sekretary Tahir Hüseýin Andrabi, “Pakistan, Owganystan tarapyndan Pakistana guralýan terrorçylykly hüjümleriň öňüni almak maksady bilen 2025-nji ýylyň 25-nji oktýabrynda Türkiýäniň Stambul şäherinde geçiriljek gepleşikleriň nobatdaky tapgyryndan anyk netijelere garaşýar” diýdi.
Owganystandaky wagtlaýyn hökümetiň metbugat sekretary Zabihullah Müjahid, owgan wekiliýetine Içeri işleri ministriniň orunbasary Mewlewi Rahmatullah Nejibiň ýolbaşçylyk etjekdigini mälim etdi.
Owganystandaky wagtlaýyn hökümetiň metbugat sekretary Zabihullah Müjahid, X sosial media platformasy arkaly beren habarnamasynda “Pakistan bilen başdan geçirilýän kynçylyklar ara alnyp maslahatlaşylar” diýdi.
Müjahid owgan wekiliýetiň Kabuldan Stambula gidendigini aýtdy.
Pakistanyň Daşary işler ministrliginiň metbugat sekretary Tahir Hüseýin Andrabi, serhetler meselesinde başdan geçirlen soň dartgynlygyň ortadan aýrylmagynda uly rol oýnan Türkiýe bilen Katara minnetdarlyk bildirdi
