Ýaponiýanyň Meteorologiýa gullugy Ýaponiýanyň günbatarynda 6,2 bal ululygynda güýçli ýer titremesiniň bolandygyny habar berdi, ýöne sunami duýduryşy berilmedi.
Ýer titremesi sişenbe güni ýerli wagt bilen sagat 10:18-de (01:18 GMT) Şimane welaýatynyň gündogarynda, ýeriň takmynan 10 kilometr (6,2 mil) aşagynda emele geldi.
Häzirki wagta çenli hiç hili adam pidasy barada maglumat berilmedi.
Kyodo habar agentliginiň habaryna görä, has kiçi ýer titremeleri hem hasaba alyndy.
“Chugoku Electric Power Co.” kärhanasynyň maglumatyna görä, ilkinji ýer titremesinden soň Matsue şäherindäki Şimane atom elektrik desgasynda hiç hili anomaliýa anyklanmady.
Resmiler mundan başgada elektrik toklaryň kesilmegi sebäpli Ýaponiýanyň günbatarynda ýokary tizlikli otly gatnawlaryny togtadyp, Okaýama bilen Hirosima stansiýalarynyň arasyndaky Sanyo Şinkansen liniýasynyň gatnawlary togtadyldy.
