Gazada bir hepde ozal sanjym kampaniýasy başladylypdy.
BMG-nyň çäginde iş alyp barýan Bütindünýä Saglygy goraýyş guramasy, kampaniýanyň çäginde 10 müňden gowrak çaga sanjym edilendigini habar berdi.
Bütindünýä Saglygy goraýyş guramasynyň Baş sekretary Adhonom Ghebreýesus çarşenbe güni X sosial media platformasy arkaly beren habarnamasynda 9-njy noýabrda sanjym kampaniýasynyň çäginde 8 günde 3 ýaşyna çenli bolan 10 müňden gowrak çaga sanjym edilendigini we sanjym kampaniýasynyň şenbe gününe çenli uzadylandygyny mälim etdi.
Adhonom Ghebreýesus sanjym kampaniýasynyň çäginde 40 müňden gowrak çaga sanjym edilmeginiň maksat edinilýändigini, şeýlelikde çagalary gyzamyk, tetanus, gipatus B, tuberkyles ýaly dürli ýokançlardan goraljakdygyny belledi.
Bütindünýä Saglygy goraýyş guramasynyň Baş sekretary Adhonom Ghebreýesus sanjym kampaniýasynyň ikinji we üçünji tapgyrynyň 2026-njy ýylyň ýanwar aýynda geçirilmeginiň meýilleşdirlendigini ýatlatdy.
Adhonom Ghebreýesus hüjümleriň bes edilmegine kanagatlanma bildirýärdiklerini belledi.
Ysraýylyň harby goşuny 2023-nji ýylyň oktýabr aýyndan bäri Gazada çagalaryň we zenanlaryň başda durmagynda 70 müňe golaý adamyn ýogalmagyna, 170 müňden gowrak adamyň hem ýaralanmagyna, sebitiň harabaglyga öwrülmegine sebäp boldy.
Iki ýyl dowam eden hüjümler sebäpli saglygy goraýyş merkezlerine we hassahanalara uly zeper ýetirildi.
Saglygy goraýyş işgärleriniň we hassahanalaryň nyşana alynmagy, ,lukmançylyk enjamlarynyň sebite ýetirilmegi bökdelmegi halkara jenaýat hökmünde kabul edilýär.
