Russiýaly ýolbaşçylaryň penşenbe güni beren beýannamasyna görä, Ukrainanyň Russiýanyň Rostow-on-Don port şäherine we golaýyndaky Batýask şäherçesine guran dron hüjüminde ýük gämisiniň iki ekipažy bilen birlikde 3 adam ýogaldy.
Rostowyň gubernatory Ýuri Slýasar, uçarmansyz howa ulaglary bilen guralan hüjümiň Russiýanyň harby ýangyç ýollary taýdan uly ähmiýete eýe bolan Rostow-on-Don port şäherindäki logistiki merkezde garaşýan gäminiň ýanmagyna sebäp bolandygyny aýtdy.
Ýangynyň söndürlendigini, emma ekipaždan 3 adamyň ýaralandygy nygtaldy.
Rostowyň gubernatory Ýuri Slýasar Telegramdan beren habarnamasynda, Rostow-on-Don port şäheriniň günortasynda ýerleşýän Bataýska guralan başga bir hüjümde bolsa ýaşaýyş jaýlarynyň nyşana alynandygy sebäpli 7 adamyň ýaralanandygyny nygtady.
Ýolbaşçylar hüjümler sebäpli çekilen ýitginiň anyklanylmagy üçin sebite ýörite toparyň ugradylandygyny mälim etdi.
Serhetaşa dron söweşleri
Bu hüjümler Ukraina bilen Russiýanyň arasynda serhetaşa dron söweşiniň artýan günlerinde guraldy.
Ukraina soňky aýlarda Russiýanyň çetki sebitlerinde ýerleşýän portlary, ýangyç ammarlaryny we aragatnaşyk ýollaryny nyşana almaga dowam edýär.
Ukraina şol sebitleriň Moskwanyň söweş ukubynyň azalmagy taýdan möhümdigini nygtaýar.
Russiýanyň merkezi bilen Ukrainanyň basyp alyşlygy astyndaky sebitleriň arasynda strategik geçelge bolan Rostow-on-Don şäheri, harby merkezleri, howa menzilleri we demir ýol liniýalary sebäpli ýygy-ýygydan nyşana alynýar.
Bataýsk bolsa uly senagat kärhanalaryna ýer eýeçiligini edýär.
Russiýa Ukrainany asuda ilata we söwda gämilerine wehim salmakda günäkärleýär.
Ukraina bolsa dron hüjümleri arkaly Russiýanyň Ukrainadaky şäherlere, energiýa desgalaryna we portlaryna guraýan hüjümlerine degişli gaýtawulyň görkezilýändigini nygtaýar.
