Eýranyň köpçülikleýin habar beriş serişdeleriniň Ynkylap goragçylary goşunyna esaslanýan habaryna görä, soňky 24 sagatda Ormuz bogazyndan nebit tankerleri, konteýner gämileri we söwda gämileri bilen birlikde jemi 33 gämi geçdi.
Eýranyň Ynkylap goragçylary goşuny 21-nji maýda 31, 22-nji maýda 35, 23-nji maýda bolsa 25 gäminiň Ormuz bogazyndan geçendigini mälim edipdi.
Eýran ABŞ bilen Ysraýylyň 28-nji fewralda bilelikdäki hüjümleri bilen başlan söweşden soň halkara energiýa bazarynyň stategiýa taýdan esasy geçelgesi bolan Ormuz bogazyny ýapypdy.
ABŞ bilen Eýranyň arasynda 8-nji aprelde atyşygyň bes edilmegi boýunça ylalaşyk gazanylypdy.
Ylalaşykdan soň Pakistanyň töwellaçylyk etmeginde taraplaryň arasynda geçirlen gepleşigiň netijesiz tamamlanmagyndan soň ABŞ-nyň Prezidenti Donald Tramp 13-nji aprelde Eýranyň deňizleriniň gabaw astyna alynandygyny mälim etdi.
Eýran 17-nji aprelde Liwanda atyşygyň bes edilmegi boýunça ylalaşyk gazanylmagyndan soň Ormuz Bogazynyň Eýranyň deňiz güýçleri bilen aragatnaşyk saklanmagy şerti bilen söwda gämileriniň geçmegine rugsat berjekdigini mälim edipdi, emma ABŞ-nyň deňiz gabawynyň dowam etjekdigini aýan edendigi sebäpli bogazdan geçýän gämileri çäklendirjekdigine ünsi çekdi.
ABŞ şol etapda Oman deňzinde we Hindi okeanynda Eýrana degişli käbir söwda gämilerine hüjüm edipdi.
Eýran hem Ormuz Bogazynyň golaýynda Ysraýyl bilen arabaglanşykly käbir gämileri ele geçiripdi.
