ABŞ bilen Ysraýylyň Eýrana guraýan hüjüminde 8 aýlyk bäbejik bilen birlikde 193 çaga ýogaldy
Eýran tarapyndan berlen beýannamada, ABŞ bilen Ysraýylyň bilelikdäki hüjümlerinde 206 zenan bilen çaganyň ýogalandygy nygtaldy.
Tähran ABŞ bilen Ysraýylyň Eýrana guraýan bilelikdäki hüjüminde 8 aýlyk gyzjagazyň öldürlendigini mälim etdi.
IRNA habarlar gullugynyň berýän habaryna görä, hökümetiň metbugat sekretary Fatma Muhajerani sişenbe güni beren beýannamasynda 28-nji fewraldan bäri 206 zenan bilen çaganyň ýogalandygyny, ýogalanlardan 193-niň 18 ýaşyna ýetmedik çagalardan ybaratdygyny nygtady.
Muhajerani ABŞ bilen Ysraýylyň Eýrana guraýan bilelikdäki hüjüminde 4 aýlyk bäbejigiň ýaralanandygyny nygtady.
ABŞ bilen Ysraýylyň Eýrana guraýan bilelikdäki hüjüminiň ilkinji gününde Şažereh Taýýebek başlangyç klas mekdebinde esasy bölegi çagalardan ybarat 170-den gowrak adam ýogalypdy. Halkara jemgyýetçiligi mekdebiň nyşana alynmagyna uly garşylyk görkezipdi.
Eýran duşenbe güni Ali Hameneinin ogly Mojtaba Hamenei ýurduň täze lideri hökmünde yglan etdi.
Hökümetiň metbugat sekretary Fatma Muhajerani “Yslam Respublikasynyň üçünji lideriniň saýlanmagy ýurduň jebisligini güýçlendirdi we duşmanyň arzuw hyýalyny puja çykardy” diýdi.
Söweşi Eýranyň başlatmandygyny nygtan Muhajerani, ABŞ bilen Ysraýylyň gepleşikleriň dowam edýän günlerinde hüjüme başlandygyny ýatlatdy.
Hökümetiň metbugat sekretary Fatma Muhajerani “ Söweşi biz başlatmadyk, emma ony biz tamamlarys”diýdi.
Eýranly ýolbaçylara görä, 28-nji fewraldan bäri ABŞ bilen Ysraýylyň guraýan bilelikdäki hüjümlerinde dini lider Ali Hamenei bilen birlikde 1200-den gowrak adam ýogaldy, 10 müňden gowrak adam hem ýaralandy.
Tähran hem ABŞ-nyň Aýlag ýurtlaryndaky harby bazalaryna raketa we dron hüjümlerini guraýar.