Türkiýe Respublikasynyň Daşary işler ministrligi çap eden beýannamasynda Gazada ylalaşygyň gazanylmagyna kanagatlanma bildirip, töwellaçylara sagbolsun aýtdy; iki döwletli çözgüt ýoly bilen gaýtadan dikeldiş işleriniň alynyp barylmalydygyny we durnukly parahatçylygyň ýola goýulmalydygyny nygtady.
Ministrlik penşenbe güni çap eden beýanammasynda Gazada ylalaşygyň bes edilmegine kaganatlanma bildirip, onuň “syňky iki ýyldan bäri dowam edýän genosidi bes etdirmegini umyt edýändigi” nygtaldy.
Ministrlik beýanatynda atyşygyň bes edilmegi hakyndaky ylalaşygyň doly berjaý edişmegine garaşýandyklaryny nygtao; “Atyşygyň bes edilmegi bilen bilelikde gumanitar betbagtçylykdan ejir çekýän Gaza ynsanperwer kömeginiň ýetirilmegi we Gazanyň gaýtadan dikeldilmegi üçin dessine işe girişilmegi höknanydyr. Türkiýe gelejekde-de Gaza uly mukdarda ynsanperwer kömegini bermäge dowam eder” diýilýär.
Ýakyn Gündogarda durnukly parahatçylygyň diňe Ysraýyl-Palestin meselesiniň adalatly çözülmegi arkaly ýola goýulyp bilinjekdigine üns çekilýän beýannamada; “Ylalaşyk boýunça gepleşiklerde ýetilen sepgidiň gelejekde iki döwletli çözgüdiň iş ýüzüne geçirilmegine hem goşant goşjakdygyny umyt edýäris” diýilýär.
Beýannamada şeýle hem; “Kataryň, Müsüriň we ABŞ-nyň gepleşiklerde eden tagallalaryna kanagatlanma bildirýäris. Türkiýe ýaraşyk ylalaşygynyň iş ýüzüne geçirliş tapgyryna işjeň gatnaşjakdygyny we goldaw berjekdigini ýene-de bir gezek nygtaýar” diýilýär.
Trampyň parahatçylyk meýilnasy
ABŞ-nyň Prezidenti Donald Tramp Ysraýyl bilen Hamasyň ABŞ tarapyndan teklip edilen Gaza meýilnamasynyň birinji tapgyrynyň kabul edilendigini beýan etdi.
29-njy sentýabrda yglan edilen 20 maddadan ybarat meýilnama palestinli tussaglaryň öwezinde ähli ysraýylly ýesirleriň boşadylmagyny, atyşyň bes edilmegini, Hamasyň ýaragsyzlandyrylmagyny we Gazanyň gaýtadan dikeldilmegini öz içine alýar.
2023-nji ýylyň oktýabr aýyndan bäri Ysraýylyň Gaza guraýan hüjümlerinde esasy bölegi çagalardan we Zenanlardan ybarat 67,200 palestinli öldürildi.
Üznüksiz bombardyman Gazany ýaşalmasyz ýere öwürip, agyr açlyga we keselçilige sebäp boldy.
