Özbegistan Eýranyň Daşkentdäki adatdan daşary we doly ygtyýarly ilçisi Muhammad Ali Iskenderini Daşary işler ministrligine çagyrdy we Eýranyň käbir diplomatik missiýalarynyň Samarkantdaky taryhy desgalaryň "Eýran-Yslam siwilizasiýasynyň" bir bölegidigini öňe sürýän beýanatlary sebäpli Eýranyň hökümetine protest notasyny iberdi.
Özbegistanyň Daşary işler ministrliginiň beýanatyna görä, bu beyanatlar Samarkandyň taryhy we medeni mirasynyň "birtaraplaýyn we syýasy maksatlar bilen teswir edilen" hökmünde häsýetlendirildi.
Diplomatik missiýalaryň taryhy we medeni meseleleri syýasylaşdyrmaly däldigi nygtaldy, Eýran tarapyndan ady agzalan beýanatlaryň aýrylmagy talap edildi.
Eýranyň Ermenistandaky we Zimbabwedäki ilçihanalary geçen hepde sosial media hasaplaryndan Samarkanda sapar guran ABŞ-nyň Döwlet sekretary Marko Rubio we onuň wekiliýetiniň wideosyny paýlaşdylar we beren beýanatlarynda şäheriň taryhy binalarynyň arkalarynyň "eýran-yslam siwilizasiýasynyň tapawutly aýratynlygydygyny” öňe sürdüler.
