Türkiyäniň Eksportçylary mejlisi tarapyndan şu ýyl 12-nji gezek geçirilýän, Anadoly Agentliginiň Global aragatnaşyk hyzmatdaşy bolan, Söwda ministrligi tarapyndan goldanýan Türkiyäniň Innowasiýa Hepdeligi 2025 (Türkiye Innovation Week 2025) dowam edýär.

Haliç Kongres merkezinde "Gelejek: Şu wagt" mowzugy bilen geçirilen çäräniň çäginde "Emeli intellekt döwründe metbugat" atly panel geçirildi.

Ýazyjy Halil Ibrahim Izgi tarapyndan dolandyrylýan panelde, Anadoly agentliginiň baş müdiriniň orunbasary we baş redaktor Ýusuf Özhan hem çykyş etdi.

Ýusuf Özhan emeli intellektiň ulanyjylara gysga ýollary üpjün edýän dil modelidigini aýtdy.

Özhan, emeli intellektiň tehnologiki ösüş nukdaýnazaryndan şu wagta çenli görlen iň geň galdyryjy tehnologiýadygyna ünsi çekdi we emeli intellektiň beýleki tehnologiki açyşlara garanyňda has tolgundyryjydygyny aýtdy.

Özhan, emeli intellektiň žurnalistika üçin peýdalary hödürleýändigini aýdyp: "Bu tehnologiýanyň fonuny öwrenenimizde, entek doly gurulmadyk we gaty tejribe derejesinde bir tehnologiýadygyny görýäris" diýdi.

Özhan emeli intellektiň “önüminiň” ulanyjydygyny we kompaniýalaryň hakyky maglumatlary özlerinde saklaýandyklaryny aýdyp: “Bu kompaniýalaryň hemmesi maglumatlaryň hakykatyny içinde saklaýarlar. Dil modelleri millionlarça adamyň ýat kuwwatyndan ýokary bir zady wada berýär; millionlarça adamyň bir minutda ýetip bilmejek zatlaryny berip biler. Şonuň üçin indi dil modelleri bilen işleýäris we bu gaty hezil proses” diýip belledi.

Özhan žurnalistler tarapyndan ulanylýan sanly çeşmelerin üstünde durup geçip: "Häzirki wagtda žurnalistikany täze habar beriş serişdelerine we sanly platformalara sezewar etmezden amala aşyryp bolmaýar. Biz ýedi materikde hereket edýän we müňlerçe žurnalist bilen hemişe aragatnaşyk saklaýan global habar gullugydyrys. Iň möhüm maglumat çeşmesi sanly platforma bolup galýar, emma iň gymmatly çeşmämiz habarçy, tejribeli we hünäri bolan biri" diýdi.