Eýranyň köpçülikleýin habar beriş serişdeleri anna güni Pakistanyň Içeri işler ministri Mohsin Nagwiniň, ABŞ bilen Eýranyň arasyndaky söweşiň bes edilmegini maksat edinýän teklipleri gözden geçirmek üçin Eýranyň Daşary işler ministri Abbas Arakçi bilen duşuşandygyny habar berdi.
Eýranyň ýarym resmi “Tasnim” habarlar gullugynyň berýän habaryna görä, duşuşykda Tähran bilen Waşingtonyň arasynda dowam edýän aýlawly gepleşiklerde hödürlenen teklipler seljerildi.
Eýranyň ýarym resmi “ISNA” habarlar gullugy Eýran bilen ABŞ-nyň Pakistan arkaly ýüzlenme bermäge dowam edýändigini habar berdi.
Habara görä, şu hepde ikinji gezek Tährana giden ministr Nagwi, ABŞ-nyň ýüzlenmesini Eýranly resmilere ýetirdi.
Pakistanly çeşmeler, taraplaryň teklipleri seljermeginden soň Pakistanyň Baş ştabynyň başlygy Asim Muniriň Eýrana sapar gurajakdygyny habar berdi.
“Anadoly Habarlar” gullugy tarapyndan berlen habarda 14 maddalyk Eýranyň teklibine görä Tähran, hüjümleriň yzygiderli ýagdaýda bes edilmeginden 30 gün soň kämilleşdirlen uran meselesi bilen arabaglanşykly başga gepleşigiň geçirilmegini isleýär.
Waşington bolsa ýadro meselesiniň parahatçylyk gepleşiklerinden öň çözülmegini talap edýär.
ABŞ bilen Ysraýyl fewral aýynda Eýrana garşy hüjüm başlatdy.
Tähran bolsa Ysraýyly we ABŞ-nyň Aýlag ýurtlaryndaky harby merkezlerini nyşana almak bilen hüjüme gaýtawul görkezdi we Ormuz bogazyny ýapdy.
Pakistanyň töwellaçylyk etmeginde 8-nji aprelde hüjümler bes edilmegi emma Yslamabatda geçirlen gepleşiklerde ylalaşyk gazanylyp bilinmedi.
ABŞ-nyň Prezidenti Donald Tramp soň ylalaşygyň möhledini uzaltdy.
