Ysraýylyň howpsuzlyk güýçleri Siriýanyň Kuneýtra şäherine girdi

Ysraýyla degişli 5 harby ulagyň ýekşenbe güni Siriýanyň günorta günbatarynda ýerleşýän Kuneýtra şäherine girendigi habar berildi.

SANA habarlar gullugy, ertiriň irki sagatlarynda Kuneýtranyň günortasynda ýerleşýän Said Al Golan şäherçesine Ysraýylyň howpsuzlyk güýçlerine degişli 5 ulaglyk harby kerweniň girendigini habar berdi.

Habarda harby kerweniň şäherçeden gidendigi bellenildi.

Beýleki tarapdan Ysraýylyň howpsuzlyk güýçleriniň Dera welaýatynyň günbatarynda ýerleşýän Mariýa obasynyň eteklerine operasiýa gurandygy bellenildi.

Sebitiň halky Tel-Awiwiň ekin meýdanlaryna girmegine, ýüzlerçe gekdarlyk tokaýlyk meýdana uly zeper ýetirmegine, sebiň ýaşaýjylarynyň saklanmagyna we harby gözegçilik merkezleriniň gurulmagyna garşylyk görkezýär.

Hökümetiň görkezijilerine görä, Ysraýylyň harby goşuny 2024-nji ýylyň dekabr aýyndan bäri Siriýa müňden gowrak harby hüjüm gurady. Ýurduň günortasynda ýerleşýän welaýatlara 400-den gowrak operasiýa gurady.

Ysraýyl Başar Asadyň 2024-nji ýylyň ahyrynda wezipesinden çetleşdirilmeginden soň 1974-nji ýylda baglaşylan şertnamany basgylady we araçäk zolagy ele geçirip Siriýanyň Golan depelerindäki basyp alyşlygyny dowam etdirýär.