Ysraýyl duşenbe güni Eýrana garşy täze hüjüm tolkunyny başlatdy. Ysraýylyň hüjümleri Tähran tarapyndan täze howpuň abanmagyna we soňky ýyllaryň iň uly energetika krizisine sebäp boldy.
Tährandan partlama sesleri eşidildi, çaknyşygyň tutuş sebite ýaýramagy bilen birlikde Saud Arabystany we Birleşen Arap Emirlikleri ýurtlaryna guralan raketa we dron hüjümlerini täsirsiz ýagdaýa getirendiklerini habar berdi.
Halkara energetika gullugynyň başlygy Fatih Birolyň beren beýannamasyna görä, söweşiň 4-nji hepdesine girmegi bilen nebit-gaz öndürýän sebit ýurtlaryndaky azyndan 40 desga uly zepet ýetirildi.
Eýran hüjümlere Ysraýyly, Aýlag ýurtlaryndaky energetika desgalaryny we ABŞ-nyň diplomatik wekilhanalaryny nyşana almak bilen gaýtawul görkezdi. Eýran dünýäniň nebit eksportunda esasy orun eýeleýän Ormuz bogazynda gämi gatnawyny bökdemäge dowam edýär.
Ýokarlaýan howplar
Nebitiň barrel bahasynyň 100 dollardan geçendigi sebäpli ABŞ-nyň Prezidenti Donald Tramp, Eýrana 48 sagadyň dowamynda bogazy açman halatynda Eýranyň energetika infrastrukturasyny nyşana almak bilen hemle atdy.
Eýranyň Mejlisiniň başlygy Muhammed Bakyr Galibaf, Waşington ýurdunyň energetika infrastrukturasyny nyşana alan halatynda özleriniň hem sebitdäki energetika desgalaryna hüjüm gurajakdyklaryny mälim etdi.
Halkara energetika gullugynyň başlygy Fatih Birol krizisiň häzirden halkara bazalardan 11 million barrel nebitiň aýrylmagyna sebäp bolandygyny aýtdy.
Birol krizisiň gözegçilik astyna alynmagy üçin halkara derejesinde hyzmatdaşlyk edilmegi barada çagyryş etdi.
