Russiýa bilen Gazagystan, Gazagystanda atom elektrik bekediniň Gazagystanda gurulmagy boýunça iş meýilnamasyny kesgitleýän resminamalara gol çekişdi.
RIA Nowosti habarlar gullugynyň berýän habaryna görä, Sankt-Peterburgda Halkara ykdysadyýet forumynyň çäginde şertnama gol çekişlik dabarasy geçirildi.
Şertnama Russiýanyň atom energiýasy gullugy Rosatamyň baş müdüri Alekseý Lihajhew bilen Gazagystanyň Atom energiýasy gullugynyň başlygy Almasadam Satkaliýew gol goýdy.
Gazagystan ozal ýurduň çäginde uly kuwwatly atom elektrik bekediniň gurulmagy üçin döredilen halkara konsersiumyň ýolbaşçysy hökmünde Rosatamy saýlapdy.
Russiýanyň Prezidenti Wladimir Putin noýabr aýynda Gazagystana guran saparynyň çäginde geçiren gepleşiklerinde energiýa we senagat pudagy boýunça edilýän hyzmatdaşlygyň artdyrylmagy meselesini ara alyp maslahatlaşypdy.
Gazagystan nebitiniň esasy bölegini Russiýa arkaly eksport etsede, alternatiw ýollar gözleýär.
Gazagystanda oktýabr aýynda ýurduň ilkinji atom elektrik bekedeiniň gurulmagy baradaky teklip kabul edilipdi.
Teklibe Gazagystanyň Prezidenti Kasym-Žomart Tokaýew hem goldaw beripdi.
Gazaklaryň bir bölegi bolsa bu meýilnama garşy durýar.
