Ulaglar we infrastruktura ministri Abdulkadir Uraloglu ýerli mümkinçilikler bilen türk gämi gurluşyk werfinde ilkinji gezek öndürlen sorujy aýrtynlygyna eýe bolan gözleg gämisi UAB MAWY WATAN-yň suwa düşürlendigini habar berdi.
Ministr Uraloglu, UAB MAWY WATAN gämisiniň gurluşyk etaby barada beren beýannamasynda “2025-nji ýylyň 10-njy aprelinde ilkinji blogynyň kebşirlemesi amala aşyrlan täze görnüşli sorujy we deňiziň düýbinde gözleg işlerini geçirip biljek gämimiz UAB MAWY WATAN-y suwa düşürdik. Türk gämi gurluşyk werfinde ilkinji gezek sorujy aýratynlygyna eýe bolan gözleg gämisini gurduk” diýdi.
UAB MAWY WATAN gämisiniň tehniki aýratynlygy barada hem maglumat beren “Gämimiziň boýu 85 metr we 20 mete çuňlukda gözleg işlerini geçirip biler. Aýlaglarymyzdaky gözleg we arassalaýyş işlerini Ministrligimize degişli öz milli gämimiz bilen amala aşyrarys” diýdi.
Gäminiň doly awtomatlaşdyrylan aýratynlygyna ünsi çeken Uraloglu: “UAB MAWY WATAN doly awtomatlaşdyrlan ulgamyň kömegi bilen hereket edýän wagtynda hem deňiziň düýbünde gözleg işlerini geçirip biler. Gämini synag etabyndan soň birnäçe aýyň dowamynda ulanylmaga bereris” diýdi.
