Saud Arabystany Şa Sultan howa bazasyny nyşana alan 3 ballistiki raketanyň öňüni aldy

Saud Arabystanly resmiler, Şalyga degişli Şa Sultan howa bazasyny nyşana alan 3 ballistiki raketanyň hatardan çykarlandygyny habar berdi.

Ady agzalýan hüjüm synanşygy Ýakyn Gündogarda harby dartgynlygyň möwjeýändigini görkezýär.

Soňky waka,  Ysraýyl bilen ABŞ-nyň Eýrana guraýan bilelikdäki hüjümi sebäpli dowam edýän söweş bilen arabaglanşykly sebitara dartgynlygyň möwjeýän günlerinde başdan geçirildi.

Bu söweş soňky günlerde Aýlag ýurtlary bilen birlikde sebitiň çar tarapyna raketa we dron hüjümleriniň guralmagyna sebäp boldy.

Eýran sebitdäki harby merkezlere we önümçilik desgalaryna raketa we dron hüjümlerini guramakda günäkärlenýär.

Dartgynlygyň möwjemegi giň gerimli sebitara çaknyşyk howpyny artdyrýar.

Aýlag ýurtlarynyň esasan nebit-gaz üpjünçiliginde dünýäde esasy rol oýnaýandygy sebäpli dartgynlygyň halkara energetika bazaryna uly zeper ýetirmegine alada bildirilýär.

Ýerlerini terk edýänleriň sany artýar

Beýleki tarapdan BMG-nyň  Bosgunlar boýunça Ýokary komisarlygy dowam edýän çaknyşyklar sebäpli Ýakyn Gündogarda azyndan 330 müň adamyň ýaşaýan ýerini terk edendigini habar berdi.

Ady agzalýan görkeziji, soňky günlerde Tährany terk eden 100 müň adam bilen Liwandaky 84 müňden gowrak adamy hem öz içine alýar.

ABŞ-nyň Merkezi güýçler serkerdeligi Eýrana degişli azyndan 30 gämi bilen birlikde jemi 200 ýeri nyşana alandygyny habar berdi.

Eýranyň Ynkylap goragçylary hem Tel-Awiw bilen birlikde Ysraýyla degişli ýerlere dron we raketa hüjümlerini gurandygyny habar berdi.

Eýran ABŞ bilen Ysraýylyň guraýan bilelikdäki hüjüminde 12 müň adamlyk Azadi Sport kompleksiniň nyşana alynmagyny ýazgardy.