Fransiýada on ýyl bäri dowam edýän işgär ýetmezçiligine we bilim şertleriniň ýaramazlygyna garşy talyplaryň ýolbaşçylygyndaky protestler tutuş ýurt boýunça krizise öwrüldi. Mekdep infrastrukturasy çökmegiň bosagasyna geldi, mugallymlaryň aýlyklary bolsa iň pes aýlyk haklarynyň derejesinde.
Sentýabr aýynyň ortalarynda Pariždäki orta mekdepde başlanan protestler gysga wagtyň içinde milli herekete öwrüldi. Içeri işler ministrliginiň maglumatlaryna görä, sişenbe güni ýurduň dürli künjeklerinde 250 müňden gowrak adam köçelere çykdy. Ýöne guramaçylar bu sanyň 450000 bolandygyny öňe sürdüler.
Prezident Emmanuel Makron üçin täze synag bolan krizis bilen ýüzbe-ýüz bolan we möhleti tamamlanýan Premýer-ministr Sebastýan Lekornu aýyň ahyryna çenli täze çäreleri görjekdiklerini yglan etdi.
Talyplaryň şikaýatlaryny bildirmek üçin döredilen platforma gysga wagtyň içinde 40 müňden gowrak arzany kabul etdi.
Güýjüň deňagramsyz ulanylmagy tankytlara sebäp bolýar
Geçen aýdan bäri ýüzlerçe mekdep blokada edildi we protestlerde zorlukly wakalar başdan geçirildi. Polisiýanyň gören çärelerinde göz ýaşardyjy gaz we plastiki gülle ulanmagy netijesinde 200-den gowrak adam ýaralandy.
Köpçülikleýin protsetleriň başlanmagyna alada bildirilýär
Protestçileriň aglabasy 18 ýaşdan kiçi bolsa-da, ene-atalar, mugallymlar we aktiwistler tarapyndan goldanylýan protestler hökümet üçin çynlakaý alada döredýär.
Fransuz resmileri ýaşlaryň ýolbaşçylygyndaky bu gozgalaňyň Makronyň ýolbaşçylygyndaky hökümete garşy 10 ýyllap ýygnanan gahar-gazap bilen birleşip, has giň sosial gozgalaňa öwrülmeginden howatyrlanýarlar.
