Dominik Respublikasynyň Prezidenti Luis Abinader, ýurdunyň Karaibde neşe söwdasyna garşy geçirilýän operasiýalara goldaw bermek maksady bilen ABŞ-nyň ýurdunda kesgitlenen möhletde iş alyp barmagyna rugsat berendigini aýtdy.
Prezident Abinader çarşenbe güni Santo Domingoda saparda bolan ABŞ-nyň Goranmak ministri Pit Herset bilen birlikde metbugata beren beýannamsynda “ABŞ-nyň kesgitlenen möhletde San İsidro howa bazasyny we Halkara Las Amerika howa menzilini ulanmagyna rugsat berdik” diýdi.
Dominigiň Prezidentiniň Pentagonyň Karaibde we Ýuwaş umanda neşe söwdasyna garşy göreş bahanasy bilen gämileri nyşana almagyndan soň beren beýannamasy ünsleri özüne çekdi.
ABŞ sentýabr aýyndan bäri 20-den gowrak hüjüm gurady we şol hüjümlerde azyndan 83 adam ýogaldy.
Prezident Abinader “Ýaragly güýçlerimiz howa we deňiz halkasyny güýçlendirmegi, şeýlelikde neşe söwdasynyň öňüni almagy we guramaçylykly jenaýatçy toparlara zarba urmagy maksat edinýär” diýdi.
ABŞ-nyň Goranmak ministri Pit Herset hem ABŞ-nyň narko-terrorçylara garşy egilşiksiz tutum alyp barýandygyny nygtady.
Pit Herset “Serhetlerimizde we Dominik Respublikasynda howpsuzlygy ýola goýmak üçin ýaranlarymyz bilen işleşmek üçin sabyrsyzlanýarys”diýdi we Prezident Trampyň neşe maddalarynyň ABŞ-na girmeginiň öňüni almakda ygrarlydygyna ünsi çekdi.
