ABŞ-nyň Eýrandaky wirtual ilçihanasy duşenbe güni amerikan raýatlaryna bidüzgünçilikleriň dowam edýändigi sebäpli ýurtdan dessine çykmaklary barada duýduryş berdi.
Howpsuzlyk duýduryşynda ilçihana raýatlara "dessine Eýrany terk etmäge" we ABŞ hökümetiniň kömegi bolmazdan Eýrandan çykmaklaryny meýilleşdirmäge çagyrdy. Duýduryşda şeýle hem: "Eger çykyp bilmeseňiz, ýaşaýyş jaýyňyzda ýa-da başga bir howpsuz ýerde galmak üçin howpsuz ýer tapyň" diýip bellenildi.
Maslahatda Eýrandaky ABŞ raýatlaryna dowam edýän internet kesilmelerine taýýar bolmak, alternatiw aragatnaşyk ýollaryny meýilleşdirmek we "eger howpsuz bolsa, Eýrandan Ermenistanyň ýa-da Türkiyäniň üsti bilen gury ýer arkaly çykmagy göz öňünde tutmak" maslahat berilýär.
Beýanatda Eýran-ABŞ goşa raýatlarynyň Eýran pasportlary bilen Eýrandan çykmalydyklary bellenilip, olara Eýran hökümetiniň goşa raýatlygy ykrar etmeýändigini we bu adamlara diňe Eýran raýatlary hökmünde garajakdygy ýatladyldy. Beýanatda şeýle hem: "ABŞ pasportyny görkezmek ýa-da ABŞ bilen baglanyşygyny subut etmek Eýran häkimiýetleriniň birini tussag etmegi üçin ýeterlik sebäp bolup biler" diýildi.
