Egeý deňzindäki gämi heläkçiliginde 14 adam ýogaldy
Migrantlaryň aglabasy agyr ýaralanmalar we beýni şikesleri sebäpli saglyk ýagdaýlary agyr ýagdaýda.
Ýerli resmileriň maglumatyna görä, migrantlary alyp barýan ýokary tizlikli gaýyk Gresiýanyň Kenarýaka Gorag gullugynyň patrul gämisi bilen çakyşmagy netijesinde azyndan 14 adam ýogaldy.
ERT-niň Gresiýanyň Kenarýaka Gorag gullugynyň habar çeşmelerine salgylanyp beren habaryna görä, waka sişenbe güni agşam Hios adasyndaky Mirsinidi plýažynyň golaýynda boldy. Çaknyşykdan soň halas ediş toparlary deňizde 14 adamyň jesedini tapdylar.
Aralarynda 7 çaga we 2 göwreli zenan hem bolan ýaralanan migrantlar bolsa hassahanalarda bejergi astyna alyndylar.
Beýleki tarapdan bagryň ýarylmagy, öýkeniň çökmegi, dalagyň ýarylmagy we beýni şikesi ýaly agyr şikesleri alan dört migrantyň ýagdaýynyň bolsa agyrdygy habar berildi.