Ysraýylyň köpçülikleýin habar beriş serişdeleri, Ysraýylyň Palestinli topar Hamasyň Gazada harby goşunyň gözegçiligi astyndaky ýerlerde ýesirleriň jesetlerini gözlemegine rugsat berendigini habar berdi.
Ysraýylyň Çenel 12 teleýaýlymy howpsuzlyk güýçlerine esaslanýan habarynda, Hamasyň soňky 24 sagatda Gyzylhaç we müsürli toparlar bilen birlikde Ysraýylyň harby goşunynyň gözegçiligi astyndaky “sary zolak” hökmünde atlandyrylýan sebitiň golaýynda ýesirleriň galyndylaryny gözleýändigini habar berdi.
“Sary zolak” Ysraýylyň harby goşunynyň Gazada basyp alan sebitleri bilen yza çekilen ýerleriniň arasynda ýerleşýän hyýaly serhedi kesgitleýär.
Habarda, Ysraýyl bilen Hamasyň hepdäniň ahyrynda töwellaçylara jesetleriň ýerleri hakynda maglumat berendigi nygtaldy.
Ylalaşyk meýilnamasy
Ysraýyl tarapyndan ýekşenbe güni berlen beýannamada, Gyzylhaça we müsürli toparlara Gazadaky ýesirleriň jesetlerini gözlemäge rugsat berlendigi nygtaldy.
10-njy oktýabrda güýje giren ylalaşygyň birinji tapgyrynyň çäginde Hamas ysraýylly 20 ýesir bilen 16 adamyň jesedini tabşyrypdy.
Gabaw astyndaky sebitde 12 ýesiriň jesediniň tapylmagyna garaşýar.
Ylalaşyk meýilnamasy Gazanyň gaýtadan dikeldilmegini we täze dolanşyk ulgamynyň gurulmagyny öz içine alýar.
Palestinli resmilere görä, Ysraýylyň 2023-nji ýylyň oktýabr aýyndan bäri Gazadaky genosid söweşinde 68 müň 500-den gowrak palestinli ýogaldy, 170 müň 300-den gowrak adam hem ýaralandy.
