Fransiýanyň Daşary işler ministri Žan-Noel Barro, ýurdundaky tokaý ýangynlaryna garşy göreşe goldaw beren Türkiýe bilen birlikde birnäçe ýurda minnetdarlyk bildirýändiklerini aýtdy.
Barro X sosial media platformasy arkaly beren habarnamasynda “Fransiýa şu ýyl deňi-taýy görülmedik tokaý ýangynlaryna sezewar bolýar” diýdi.
Tokaý ýangynlaryna garşy göreşe goldaw beren Türkiýä, Germaniýa, Awstraliýa, Belgiýa, Horwatiýa, Litwa, Lüksemburga, Portugaliýa, Çeh Respublikasyna, Ruminiýa, Serbiýa, Slowakiýa, Şwesiýa, Şweýsariýa, Ukraina we ÝB-ne minnetdarlyk bildiren Barro “Ýangynlara garş göreş üçin kömek teklip eden ähli ýurtlara sag bolsun aýdýaryn” diýdi.
Türkiýe Fransiýa tokaý ýangynlaryna garşy göreş üçin 2 ýangyn söndüriş uçaryny ugradypdy.
Fransiýanyň Prezidenti Emmanuel Makron ýangynlaryna garşy göreşe goldaw berýän Türkiýe minnetdarlyk bildiripdi. Makron X sosial media platformasy arkaly beren habarnamasynda türk dilinde “Teşekkürler Türkiýe” ýagny “Sag bol Türkiýe” diýipdi.
Taryhynyň iň uly ýangyn möwsümini başdan geçiren Fransiýada şu ýyl ýangynlar sebäpli 117 müň gekdarlyk meýdana zeper ýetirildi. Ýangynlarda 4 ýangyn söndüriji ýogaldy.
