Ýemeniň harby goşuny Eýran tarapyndan goldanýan Husileriň ýurduň günbatarynda ýerleşýän Al-Muha şäherine we porta guran dron we raketa hüjüminde 4-i esger, 3-i asuda ilatdan jemi 7 adamyň ýogalandygyny, 3asuda ilatdan 30 adamyň ýaralanandygyny habar berdi.
Ýemeniň harby goşunynyň metbugat sekretary Majid an-Nuzeýli, Husileriň 9-njy awgustda Al Muha şäherine we porta raketa we dron hüjümini gurandygyny mälim etdi.
Nuzeýli hüjümde ilatly ýerleriň, şäher merkezindäki jemgyýetçilik ýerleriniň we harby merkeziň nyşana alynandygyny belledi.
Hüjümi “halkara hukugynyň basgylanmagy” hökmünde häsiýetlendiren Nuzeýli, 4-i esger, 3-i asuda ilatdan jemi 7 adamyň ýogalandygyny, 30 adamyň ýaralanandygyny ýatlatdy.
Husilere degişli 11 dron urlup düşürildi
Ýaralananlaryň esasy böleginiň bejergi edilendigini aýdan Nuzeýli, Al Muhadaky howa goranyş ulgamlarynyň Husilere degişli 11 drony urup düşürendigini belledi.
Nuzeýli Ýemeniň ýaragly güýçleriniň şuňa meňzeş hüjümlere degişli gaýtawuly görkezjekdigini nygtady.
Ýemeniň harby goşunynyň metbugat sekretary Majid an-Nuzeýli, harby goşunyň Ýemende durnuklylygyň we howpsuzlygyň ýola goýulmagyny maksat edinýändigini belledi.
