19 ýurduň daşary işler ministrleri Kolumbiýanyň Iýerusalimde ilçihana açmagyny berk ýazgardylar.
Türkiýe, Alžir, Jibuti, Indoneziýa, Palestina, Katar, Kuweýt, Liwan, Liwiýa, Malaýziýa, Müsür, Pakistan, Somali, Sudan, Siriýa, Saud Arabystany, Oman, Iordaniýa we Ýemen döwletleriniň daşary işler ministrleri Kolumbiýanyň Ysraýyldaky ilçihanasyny Tel-Awiwden Iýerusalime göçürmegi hakynda bilelikde beýannama çap etdiler.
Beýanatda şeýle diýilýär: "Türkiýe, Alžir, Jibuti, Indoneziýa, Palestina, Katar, Kuweýt, Liwan, Liwiýa, Malaýziýa, Müsür, Pakistan, Somali, Sudan, Siriýa, Saud Arabystany, Oman, Iordaniýa we Ýemen döwletleriniň daşary işler ministrleri, Kolumbiýa Respublikasynyň Iýerusalimde ilçihana açmagyny berk ýazgarýarlar hem-de ony doly ret edýärler. Bu başlangyç Birleşen Milletler Guramasynyň (BMG) Howpsuzlyk Geňeşiniň degişli kararlaryna glaýyk gelmeýär we iki döwletli çözgide esaslanýan adalatly hem-de durnukly parahatçylygy ýola goýmaga gönükdirilen halkara tagallalaryna ýaramaz täsir ýetirýär".
Beýanatda ministrleriň şeýle garaýşy tassyklamaýandyklary bellenilýär: basylyp alnan Iýerusalimiň hukuk ýa-da taryhy statusyny üýtgetmäge, ýa-da Iýerusalimi Ysraýylyň paýtagty hökmünde ykrar etmäge gönükdirilen islendik çemeleşme ýa-da karar güýjüni ýitiren hasaplanýar we hiç hili hukuky netije döretmeýändigi nygtalyp: "Bu pozisiýa BMG-niň Howpsuzlyk Geňeşiniň we Baş Assambleýasynyň degişli kararlaryna — esasanam BMG-niň Howpsuzlyk Geňeşiniň 476 (1980) we 478 (1980) belgili kararlaryna — laýyk gelýär. Bu kararlar Ierusalimiň häsiýetini ýa-da statusyny üýtgetmek synanyşyklaryny ret edýär we döwletleri öz diplomatik wekilhanalaryny Iýerusalimden — 1967-nji ýylda basybalyp alnan Palestina territoriýalarynyň bir böleginden — çykarmaga çagyrýar" diýilýär.
Beýanatda ministrleriň Kolumbiýanyň hökümetini kabul eden kararyny serljermäge we yzyna almaga, halkara hukugyna laýyklykda öz borçnamalaryny ýerine ýetirmäge, şeýle hem Palestina halkynyň kanuny hukuklaryna, şol sanda paýtagty Gündogar Iýerusalim bolan garaşsyz we özygtyýarly Palestin döwletini gurmak hukugyna zeper ýetirip biljek islendik çärelerden saklanmaga çagyrandyklary bellenilýär.
Kolumbiýa Ysraýyldaky ilçihanasyny 46 ýyl soň Iýerusalime göçürdi
Kolumbiýa Tel Awivde ýerleşen Ysraýyldaky ilçihanasyny 46 ýyl soň Kudüse göçürdi.
Ysraýylyň Daşary işler ministri Gideon Saar we kolumbiýaly kärdeşi Omar Bula Eskobar Iýerusalimdäki ilçihananyň täze binasynyň açylyş dabarasyna gatnaşdylar. 1980-nji ýylda Ysraýyl bir taraplaýyn tertipde Iýerusalimi — şol sanda 1967-nji ýylda basylyp alan Gündogar Iýerusalimi — öz "paýtagty" hökmünde yglan edipdi. Emma dünýä ýurtlarynyň emçemesi Iýerusalimi Ysraýylyň paýtagty hökmünde ykrar etmeýärler we olaryň ilçihanalary Tel-Awiwde ýerleşýär.
Amerikanyň Birleşen Ştatlary, Gwatemala, Gonduras, Kosowo, Paragwaý, Papua-Täze Gwineýa we Fidji öz ilçihanalaryny Iýerusalime göçürdiler. Mundan başga-da, Somaliden bir taraplaýyn görnüşde garaşsyzlygyny yglan eden we Ysraýyl tarapyndan ykrar edilen Somalilend hem Iýerusalimde öz ilçihanasyny (de-fakto) açypdy.
