Indoneziýada geçen hepde bolan ýer süýşgüninde ýogalanlaryň sany 70 adama ýetdi, Günbatar Ýawada dereksiz ýiten 10 adamyň gözleg işleri eýýäm 9 gün bäri dowam edýär. Döwlet habarlar agentligi mesele bilen bagly maglumat çap etdi.
Resmiler şenbe güni wakanyň bolan ýerinden ýene-de 10 adamyň jesediniň tapylandygyny we ýogalanlaryň sanynyň 70-e ýetendigini habar berdiler. Bandung gözleg we halas ediş gullugynyň başlygy Ade Dian Permana takmynan 10 adamyň entek tapylmandygyny mälim etdi.
Permana gözleg işleriniň ýekşenbe güni yzarlaýjy itler we agyr tehnikalary ulanyp dowam etdirilýändigini, wakanyň bolan ýerinde jemi 3713 işgäriň bardygyny aýtdy.
Häzirki wagta çenli 49 adamyň şahsyýeti anyklanyp, olar maşgala agzalaryna tabşyryldy, 78 adam bolsa diri ýagdaýda halas edilip ýetişildi.
Geçen hepdäniň şenbe güni Bandung sebitiniň günbataryndaky bir obada ýer süýşgüni başdan geçirildi, köp sanly öý topragyň we harabalyklaryň aşagynda galdy.
Kyn relýef bilen häsiýetlendirilýän sebitde gözleg we halas ediş işleri dowam edýär.
