Howpsuzlyk çeşmeleriniň maglumatyna görä, Türkiyäniň demirgazyk-günbataryndaky Ýalowa welaýatynda terror guramasy DAIŞ-e garşy göreş operasiýasy dowam edýär.
Habar çeşmeleri Polisiýa gullugynyň duşenbe güni irden şäheriň merkezine golaý bolan Elmalyk obasynyň golaýyndaky ýolda ýerleşýän öýleriň birinde DAIŞ-e garşy operasiýa başladylandygyny habar berdi.
Geçirilen reýtde ýaragly çaknyşygyň bolandygy we Polisiýa gullugynyň 7 işgäriniň ýaralanandygy mälim edildi.
Sebitde dowam edýän operasiýa goldaw bermek maksady bilen golaýdaky Bursa welaýatyndan ýöriteleşdirilen howpsuzlyk güýçleriniň gönükdirilendigi, operasiýanyň berk howpsuzlyk çäreleriniň astynda geçirilýändigi aýan edildi.
Resmiler ýaralanan polisiýa gullugynyň işgärleriniň hassahanada bejergi astyna alynandygyny we saglyk ýagdaýlarynyň gowudygyny habar berdiler.
