Ysraýyl Liwanyň günortasynda uçarmansyz howa ulagy bilen guran hüjüminde bir adamy öldürdi
Liwanyň metbugaty hüjümden soň Tirdäki Mansuri şäherçesindäki Ymam Musa al-Sadr oýun meýdançasynyň golaýynda ýangynyň çykandygyny habar berdi.
Liwanyň metbugatynyň habaryna görä, Ysraýyl Liwanyň günortasynda uçarmansyz howa ulagy bilen guran hüjüminde bir adamy öldürdi, bu bolsa ot açmagy bes etmegiň iň soňky düzgün bozulmasydyr.
NNA döwlet habarlar agentligi ýekşenbe güni Tir sebitiniň Mansuri şäherindäki Ymam Musa al-Sadr oýun meýdançasynyň golaýyndaky ýerden alawlaryň göterilýändigini habar berdi.
Habara görä, hüjümden öň, Ysraýylyň uçarmansyz howa ulagy sebitiň günbatar böleginde, esasanam Tir etrabynyň töwereginde birnäçe obanyň üstünden uçup geçdi.
Ysraýylyň goşuny Hizbullah guramasynyň agzalaryny we infrastruktrany nyşana alýandygyny öňe sürüp, Liwanyň territoriýasyna her gün diýen ýaly hüjümler guraýar. Ol bolsa Liwanyň günortasyndaky dartgynlygyň ençeme hepde artmagyna sebäp bolýar.
2023-nji ýylyň oktýabr aýynda başlan we 2024-nji ýylyň sentýabr aýynda doly göwrümli hüjüme öwrülen Liwana garşy guralýan hüjümlerde Ysraýylyň goşuny 4000-den gowrak adamy öldürdi we 17 000-e golaý adamy ýaralady.
2024-nji ýylyň noýabr aýynda yglan edilen ot açmagy bes etmek baradaky ylalaşyga laýyklykda, Ysraýylyň goşuny şu ýylyň ýanwar aýynda Günorta Liwandan çekilmelidi; munuň ýerine, ol diňe bölekleýin çekildi we serhetdäki bäş gözegçilik nokadynda harby güýjüni saklamagyny dowam etdirýär.