Russiýanyň düýn gije Ukraina guran uly hüjümlerinde 4 adam ýogaldy, 30-dan gowrak adam ýaralandy.

Moskwa Ukrainanyň günorta gündogarynda ýerleşýän Dnepr şäherini we töweklerini nyşana alan hüjümlerinde 660-dan gowrak dron we raketa ulandy.

Ukrainanyň Prezidenti Wolodimir Zelenskiý sosial mediadan beren habarnamasynda “Ruslar tutuş gije Dnepr bilen birlikde beýleki şäherlerimizi we ilatly ýerlerimizi bombalady” diýdi

Dnepr şäheriniň gubernatory Oleksandr Hanzha, rus hüjüminde nyşana alynan binadan 2 adamyň jesediniň çykarlandygyny, 5 adamyň hem harabalygyň aşagynda galandygynyň öňe sürülýändigini nygtady.

Hanzha rus hüjümleri sebäpli şäherde 21 adamyň ýaralandygyny belledi.

Çernigow sebitinde hem Russiýanyň guran dron we raketa hüjümlerinde 2 adamyň ýogalandygy, 7 adamyň ýaralanandygy ýatladyldy.

Ukrainanyň Prezidenti Wolodimir Zelenskiý “Şuňa meňzeş hüjümler ýaranlarymyza ýagdaýyň nähili möhümdigini we howa goranyş ulgamlarymyzyň gysga wagtda güýçlendirilmeginiň gerekdigini ýatlatmaly” diýdi.

Ukrainanyň Howa güýçleri, Telegramdan beren habarnamasynda, Russiýanyň Ukraina 619 dron bilen 47 raketa atandygyny, şolardan 580 dron bilen 30 raketanyň urlup düşürlendigini habar berdi.

Russiýa Ukraina garşy her gije onlarça dron bilen hüjüm guraýar.