Türkiýäniň Daşary işler ministrliginiň habar çeşmelerinden alnan maglumata görä, Germaniýanyň Daşary işler ministri Iogan Dewid Wadepul türk-nemes gatnaşyklarynda möhüm öwrülişik hasaplanýan saparyň çäginde anna güni Türkiyä geler.
Daşary işler ministri Hakan Fidan nemes kärdeşi Wadepul bilen duşuşyp, iki ýurduň arasynda ýokary derejeli gepleşik we maslahat beriş mehanizmlerini pugtalandyrmagy maksat edinýär.
Gepleşiklerde Türkiye-Germaniýa Ykdysady we söwda bilelikdäki komitetiniň (JETCO) we "Energetika we magdan forumynyň" çäginde ykdysady we söwda gatnaşyklaryny pugtalandyrmaga garaşylýar.
Hakan Fidan Türkiyäniň energiýa hyzmatdaşlygyna strategiki çemeleşmäge ygrarlydygyny we möhüm pudaklarda Germaniýa bilen hyzmatdaşlygyny çuňlaşdyrmak niýetini beýan eder.
Mundan başga-da, Türkiye-ÝB gatnaşyklary, NATO bilen utgaşykly howpsuzlyk strategiýalary we Ýewropa Bileleşiginiň SAFE (Ýewropada Howpsuzlyk Hereketleri) mehanizminiň çäginde goranyş pudagy hyzmatdaşlygy ýaly meseleleriň ara alnyp maslahatlaşylmagyna garaşylýar.
