ABŞ bilen Russiýanyň arasyndaky gepleşikleriň ikinji tapgyry Stambulda başlady.
ABŞ-nyň wekşiliýeti penşenbe güni ýerli wagt bilen sagat 9:45-de (GMT 0645) Russiýanyň Stambuldaky Baş konsullygynda ýurduň ilçihanalarynyň işini kadalaşdyrmak boýunça gepleşikler geçirdi.
Sişenbe güni ABŞ-nyň Döwlet departamentiniň metbugat sekretary Temmi Brýus wekiliýetleriň Stambulda ikinji tapgyr gepleşikler geçirmek üçin duşuşjakdygyny we bu gepleşikleriň iki ýurduň ikitaraplaýy wekilhanalarynyň işini "has-da durnuklaşdyrmak" üçin geçirilendigini aýtdy.
Ol "gün tertibinde syýasy ýa-da howpsuzlyk bilen bagly meseleleriň ýokdugyny" belläp, Ukrainadaky ýagdaýlaryň "gün tertibinde asla ýokdugyny" aýratyn nygtady.
Gepleşikler Russiýanyň Stambuldaky baş konsulynyň kabulhanasynda geçirilýär we birnäçe sagat dowam eder diýlip garaşylýar, emma öňki tapgyr ýaly alty sagatdan köp dowam etmez.
Russiýanyň wekiliýetine Russiýanyň ABŞ-daky ilçisi Aleksandr Darçýew ýolbaşçylyk eder, ABŞ delegasiýasyna bolsa Döwlet departamentiniň kömekçi sekretarynyň orunbasary Sonata Koulter ýolbaşçylyk eder.
Darçýew duşuşygyň öň ýanynda birnäçe meselede eýýäm käbir netijeleriň alynandygyny mälim etdi.
