Pakistanyň içeri işler ministri Mohsen Nakwi we Malaýziýanyň içeri işler ministri Saýfuddin Nasution bin Ysmaýyl howpsuzlyk, terrorçylyga garşy göreş we aňtaw maglumatlaryny paýlaşmak ýaly meselelerde iki ýurduň arasyndaky hyzmatdaşlygy artdyrmak barada ylalaşdylar.

Pakistanyň resmi habarlar agentligi bolan “Associated Press of Pakistan” (APP) agentliginiň habaryna görä, Nakwi ýurda sapar guran Saýfuddin bilen paýtagt Yslamabatda duşuşdy.

Ministrler ikitaraplaýyn gatnaşyklary we içerki howpsuzlyk boýunça hyzmatdaşlygy artdyrmak barada pikir alyşdylar.

Ministrler terrorçylyga we neşe serişdeleriniň bikanun dolanyşygyna garşy göreşmek boýunça gizlin maglumatlary alyş-çalşygynyň howpsuzlyk meselelerine garşy göreşde möhüm rol oýnajakdygyny aýtdylar we iki ýurduň polisiýa akademiýalarynyň arasyndaky hyzmatdaşlygy çuňlaşdyrmak barada ylalaşdylar.

Nakwi we Saýfuddin öz ministrlikleriniň arasynda bilelikdäki iş toparyny döretmek we kenarýaka goragy ýaly howpsuzlyk ugurlarynda hyzmatdaşlyk etmek barada ylalaşdylar.