ABŞ-nyň Prezidenti Donald Tramp, Ukrainanyň Russiýa bilen bolan söweşini bes etmelidigini aýtdy.
Tramp, häzirki territoriasyny gelejekdäki gepleşikler üçin esas hökmünde kabul etmegini teklip etdi.
Ýekşenbe güni metbugata beýannama beren Tramp, anna güni Ukrainanyň Prezdienti Zelenskiý bilen içgin gepleşik geçirendigini nygtady.
Tramp, Ukraina Donbas sebitini tutuşlygyna Moskwa bermegi teklip edendigi hakyndaky habarlaryň asylsyzdygyny belledi.
“Bu mesele gün tertibine gelmedi” diýen Tramp, “Ukraina häzirki liniýalarynda galmaly” diýdi.
Donbas sebitiniň 78 göteriminiň Russiýa tarapyndan ele geçirlendigini aýdan Tramp, Ukrainanyň gelejekde meseläni ara alyp maslahatlaşyp biljekdigini emma häzirki wagtda çaknyşyklaryň gyssagly bes edilmeginiň möhümdigini nygtady.
Doneski we Lugansky öz içine alýan Donbas sebiti 2014-nji ýyldan bäri çaknyşygyň merkezi bolmaga dowam edýär
Şol döwürde Russiýanyň Krymy anneksirlemeginden soň Russiýa tarapyndan goldanýan separatistler garaşsyzlygyny yglan edipdi.
Russiýa 2022-nji ýylyň fewral aýynda başlan ýörite operasiýasy netijesinde Donbasyň esasy bölegini ele geçiripdi.
