Daşary işler ministri Hakan Fidan 31-nji iýulda Saud Arabystanynyň Daşary işler ministri Faýsal bin Ferhan bilen telefon arkaly söhbetdeşlik geçirdi.
Iki kärdeş telefon söhbetdeşliginde, sebitde başdan geçirilýän soňky wakalar we dowam edýän çaknyşyklaryň bes edilmegi üçin edilýän tagallalar hakynda pikir alyşdy.
Eýranyň Daşary işler ministri Abbas Erakçi bilen 1-nji awgustda telefon arkaly söhbetdeşlik geçiren Fidan, eýranly kärdeşi bilen gepleşik etabynda ýetilen soňky sepgit hakynda pikir alyşdy.
Fidan telefon söhbetdeşliginde “Türkiýe sebitimizdäki çaknyşyklaryň bes edilmegi we durnukly parahatçylygyň ýola goýulmagy üçin tagalla etmäge dowam eder” diýdi.
Kuweýdiň Daşary işler ministri Jerrah Jabir al Ahmed as Sabah bilen 3-nji awgustda telefon arkaly söhbetdeşlik geçiren Hakan Fidan kärdeşi bilen sebitde başdan geçirilýän soňky wakalar barada pikir alyşdy.
Hakan Fidan şol gün Demirgazyk Makedoniýada Döwlet ministrligine bellenen Türk Demokratik partiýasynyň başlygy Zülfikar Zeýnula bilen telefon arkaly söhbetdeşlik geçirdi. Fidan Zeýnulany täze wezipesi bilen gutlady we rowaçlyk arzuw etdi.
Fidan şol gün Britaniýanyň täze Daşary işler ministri Ed Miliband bilen hem telefon arkaly söhbetdeşlik geçirdi. Kärdeşini täze wezipesi bilen gutlan Fidan, Miliband bilen Gazanyň başda durmagynda Ýakyn Gündogarda başdan geçirilýän soňky wakalar we Russiýa-Ukraina söweşiniň bes edilmegi üçin edilýän tagallalar hakynda pikir alyşdy.
