Kongo Demokratik Respublikasynyň Demirgazyk-gündogaryndaky Ituri welaýatynda, gije guralan we Birleşen Demokratik Güýçlere degişli gozgalaňçylaryň jogapkärçiligi bolan hüjümlerde ilkinji kesgitlemelere görä asuda ilatdan 43 adam ýogaldy.
Hüjümçiler şenbe güni gije Irumu sebitiniň Komanda şäherçesine hüjüm gurap, şäherçäniň umumy hassahanasynyň golaýyndaky ybadat ýerine ýygnanan adamlary nyşana aldylar. Ýogalan adamlaryň arasynda ýekşenbe güni meýilleşdirilýän dabara taýýarlyk görýän katolik bir topar hem bar.
Hüjümde diri galan Mwila Kiloko Anadoly habarlar gullugyna beren beýanatynda: “Hüjüm gijäň ýary başlady. Adamlar ybadat edýän mahallary nyşana alyndy. Öz ýaşaýan ýerlerinden mahrum galyp, ybadathananyň golaýynda ýaşaýan adamlar hem nyşana alyndy. Ozalky hüjümlere garanyňda hiç hili duýduryş berilmedi” diýip habar berdi.
Şaýatlar öýleriň ýakylandygyny we şahsy zatlaryň talanandygyny mälim etdiler. Şeýle hem Oiçada söwdegärleriň birine degişli ýük ulagy hem ýakyldy.
Bu elhenç hüjüm howpsuzlyk güýçleriniň bolmagy sebäpli howpsuz hasaplanýan şäher merkezini nyşana aldy. Bu düzgün bozulma raýat goragy baradaky aladalary ýaňadandan gün tertibe getirdi.
