Türkiýe Respublikasynyň Prezidenti R. T. Erdogan Gazada zenanlara edilýän zuluma ýeterlik garşylyk görkezilmeýändigini aýtdy.

Prezident Erdogan Zenanlara edilýän zuluma garşy göreş güni mynasibetli sişenbe güni paýtagt Ankarada geçirlen dabarada eden çykyşynda, zenanlara garşy edilýän zuluma ünsi çekdi.

Ysraýylyň Gazada edýän genosidine ünsi çeken Erdogan, Ysraýylyň howpsuzlyk güýçleriniň palestinlilere garşy jenaýat etmäge dowam edýändigini belledi.

Prezident Erdogan “Gaza genosidinde şehit bolan 70 müň palestinliniň 2/3 bölegi zenanlardan we çagalardan ybarat. Bu wyždanly her bir adam üçin diýseň aladalandyryjy” diýdi.

Zenana edilýän zulumy adamkärçilik mertebesiniň gödek kemsidilmegi hökmünde häsiýetlendiren Erdogan, muny ähliumy jenaýat hökmünde kesgitledi.

Erdogan “Türkiýe zulum edeniň we zuluma sezewar bolanyň kimdigine garamazdan hakykatlara ünsi çekmäge dowam eder”diýdi.

Erdogan “Türkiýe Respublikasynyň Prezidenti hökmünde we iki gyzyň kakasy hökmünde zenana we çaga edilýän zuluma garşy durmaga dowam ederin” diýip belledi.

Prezident Erdogan “Zenana we çaga edilýän zulum adamzada garşy edilen jenaýatdyr, adamzada dönüklik etmekdir”diýdi.