Yslam Hyzmatdaşlyk Guramasy anna güni Saud Arabystanynyň, Türkiýäniň we Pakistanyň arasynda baglaşylan Mekge bilelikdäki goranyş şertnamasyna kanagatlanma bildirdi.
Yslam Hyzmatdaşlyk guramasynyň Baş sekretary Hüseýin İbrahim Taha guramanyň adyndan beren beýannamasynda, üç ýurduň arasynda baglaşylan şertnamany “aýgytly stratgik başlangyç”hökmünde häsiýetlendirdi.
Taha şertnamanyň sebitde we Musulman ýurtlarynda howpsuzlygyň we durnuklylygyň ýola goýulmagy taýdan möhümdigini belledi.
Yslam Hyzmatdaşlyk guramasynyň Baş sekretary Hüseýin İbrahim Taha, şertnamanyň gurama agza ýurtlaryň arasyndaky arkalaşygy we hyzmatdaşlygy güýçlendirmegi maksat edinýändigini nygtady.
Taha taryhy şertnamanyň sebitde we dünýäde parahatçylygyň we yzygiderli durnuklylygyň ýola goýulmagyna goşant goşmagyny umyd edýändigini ýatlatdy.
Anna güni Türkiýe, Saud Arabystanyn we Pakistan Mekgede geçirlen üçtaraplaýyn sammitde goranyş şertnamasyny baglaşdy.
Goranyş şertnamasyna gol goýan ýurtlar toparlaýyn howpsyzlygy berkitmegi, goranyş hyzmatdaşlygyny çuňlaşdyrmagy we sebitde hem-de dünýäde parahatçylygyny we durnuklylygy höweslendirmegi wada berýär.
Mekge bilelikdäki goranyş şertnamasyna Al Safa köşgünde geçirlen sammitden soň Türkiýe Respublikasynyň Prezidenti R. T. Erdogan, Saud Arabystanynyň Mirasdüşer Şazadasy Muhammed bin Salman bilen Pakistanyň Premýer-ministri Şahbaz Şerif gol goýdy.
