Tramp Ormuz bogazy 48 sagatda açylmasa, Eýranyň energiýa desgalaryna hüjüm guramak bilen haýbat atdy
Eýran mundan ozal infrastrukturasy nyşana alynsa, "nol çäklendirme" bilen jogap berjekdigini mälim edipdi.
ABŞ-nyň prezidenti Donald Tramp, eger ýurt 48 sagadyň dowamynda Ormuz bogazyny açmasa, Eýranyň energiýa desgalaryny "ýok etmek" bilen haýbat atdy.
Tramp şenbe güni “Truth Social” saýtyndan beren beýanatynda, eger Eýran şu möhletde “bogazy howpsyz ýagdaýda doly açmasa”, ABŞ-nyň iň uly desga bilen birlikde dürli energiýa desgalaryna hüjüm gurajakdygyny habar berdi.
ABŞ-nyň gündogar wagty bilen agşam sagat 19:44-de habary ýazan Tramp, hakykatda, duşenbe güni gijä çenli möhlet berdi. Ol haýsy desganyň "iň uludygy” barada bolsa maglumat bermedi.
Eýranyň daşary işler ministri Abbas Arakçi anna güni öz ýurdunyň infrastrukturasy nyşana alynan halatynda, "nol çäklendirme" bilen jogap berjekdigini aýtdy.