“Anadoly” habarlar agentliginiň habarçysynyň maglumatyna görä, Liwanyň günortasyndaky Jezzine şäheriniň golaýynda Ysraýylyň howa hüjüminiň netijesinde üç žurnalist ýogaldy.
Ýogalanlaryň arasynda “Al-Manar” teleýaýlymynyň žurnalisti Ali Şuaýb, “Al-Maýadeen” teleýaýlymynyň žurnalisti Fatima Fatouni we operator bardy.
Ysraýylyň goşuny beren beýanatda Ali Şuaýbyň öldürlendigini boýun aldy, ýöne beýleki iki žurnalistiň ölümi barada teswir bermekden ýüz öwürdi.
Ozal bolsa Liwanyň Milli Habarlar Agentligi (NNA) Ysraýylyň howa hüjüminiň Jezzine şäherindäki Al-Barad ýolunda bir ulagy nyşana alandygyny habar beripdi, ýöne başga maglumat bermändi.
Habarlar agentliginiň maglumatyna görä, Ysraýyl şenbe güni daňdan bäri howa hüjümleri we artilleriýa otlary bilen esasan günortada ýerleşýän 42 şäheri, şäherçäni we sebiti nyşana aldy.
Liwanyň Saglygy goraýyş ministrliginiň soňky maglumatlaryna görä, Ysraýylyň Liwana garşy 2-nji martda başladan hüjümlerinde azyndan 1142 adam öldi we 3315 adam ýaralandy.
