Saud Arabystany bilen ABŞ Jiddede “Blue Defender 26” türgenleşigini geçirýär
Jidde şäherinde geçirilýän bilelikdäki deňiz türgenleşigi ABŞ bilen Saud Arabystanynyň arasyndaky harby hyzmatdaşlygy güýçlendirmegi maksat edinýär.
Saud Arabystanynyň Goranmak ministrliginden berlen beýannamada, Saud Arabystany bilen ABŞ-nyň ýurduň günbatarynda ýerleşýän Jidde şäherinde deňiz türgenleşigini geçirýändigi nygtaldy.
Ministrlik tarapyndan berlen beýannamada Blue Defender 26 türgenleşginiň Jidde şäherinde Şa Faýsal Deňiz bazasynda geçirilýändigi ýatladyldy.
Bilelikdäki harby türgenleşigiň özara harby hyzmatdaşlygy güýçlendirmegi maksat edinýändigi nygtaldy.
Deňiz türgenleşigi ýanwar aýynda Waşingtonda geçirlen Saud Arabystany bilen ABŞ-nyň arasyndaky Maýa goýum forumynyň çäginde iki ýurduň arasynda dürli ugurlary öz içine alýan 270 milliard dollarlyk şertnama baglaşan döwrüne gabat gelýär.
ABŞ-nyň Prezidenti Donald Tramp forumda eden çykyşynda iki ýurduň arasyndaky özara gatnaşyklary pugtalandyrmagy maksat edinýändiklerini mälim edipdi.